嘉寶漢堡

唔知第幾次食喇，係我最喜愛嘅漢堡店。今晚毒毒前來試左個凱薩雞堡($39)加薯角同薄荷茶(+$15)。

凱薩雞堡

$39

一聽凱薩兩個字可能會覺得好dry，但食落並非如此。主菜煎雞扒嫩滑多汁，大塊，脂肪唔算多，咬落唔油膩，凱薩沙拉醬同生菜令整個漢堡變得清新，加上沙拉醬啲黑椒做調味，同雞扒好match，有慢煮雞扒嘅味道，仲有凱薩沙拉啲麵包丁添！
薯角照舊新鮮即炸，分量多，個人覺得唔點醬汁更好味，再配上薄荷茶降低罪惡感。不過都係喜歡蕃薯條多啲姐～
總結：保持水準，繼續返轉頭。