Brewed

营业中

休息中

因為隔離間Cafe（ 上一篇食評）收4:30pm，仲有個幾鐘先搵朋友，經過左幾間Cafe，係門口見到呢間好似有少少Feel，門口既鋪名都油得好靚，就二話不說入左黎。裝修好簡約，好新淨，雖然地方唔大，但空間感都好夠。唔算嘈，至少呢類較文青既Cafe唔會有啲呀姨呀嬸係到大笑大叫（好重要）。一個水吧有4個Staff，Man power max👏🏻。一入去店員就好熱情地Welcome。啱啱食飽冇耐既我就嗌左杯Flat white。Woohoo又係心心拉花👏🏻，心情秒變好。可能放太耐先飲，咖啡味偏酸，明明冇salted但都帶一點點咸味，濃度正常，有回甘，我諗係特別既咖啡豆，愛啡之人真係可以一戰，但可能要店員介紹下試啱自己口味既咖啡。見到隔離既正餐賣相相當吸引，下次會再黎試一試。但係有個相當大既扣分位，就係個雪櫃真係奇臭無比，係十年冇洗雪櫃嗰種噏味。因為佢水吧唔夠位，所以我坐正雪櫃對出嗰張枱，每次店員打開我都會聞到，真係有少少趕客。希望店主睇到食評會去洗下個雪櫃，咁就Perfect👏🏻。