麥當勞 (黃埔天地)

营业中

休息中

「一生只為搵一個肯同你捱麥記的女人」我搵到啦，不過其實麥記都幾好味My Signature 漢堡包，都出咗一段時間，我都食咗幾次，不過其實味道點樣，值唔值得30幾蚊一個包？My Signature 最過癮係可以有得選擇麵包、肉、配料。你可以喺個自動售票機嗰度，咁下禁下禁下，禁到自己滿意為止。不過唔好太耐，唔係後邊嗰個會好唔開心。我食過幾次，其實小甜圈包，係幾好味，值得推介。今次試吓法式甜包，配芝士安格斯牛肉。另外叫多一個意式香軟包，配香脆雞、菠蘿加辣椒醬。法式甜包，配芝士、安格斯牛肉，其實係一個好穩陣嘅配搭。法式甜貓其實好鬆軟、有少少甜味，安格斯牛肉不過不失，加埋芝士啱啱好。香脆雞加菠蘿，我之前都未試過。通常炸雞肉配菠蘿、應該係唔錯嘅配搭。但係如果細心啲，將菠蘿分開切嚟食，你會發覺其實個菠蘿都幾唔新鮮，顏色上來講好似擺咗一段時間。雞肉就冇乜特別，唔需要評論。意式香軟包比起法式軟包、少甜圈，就冇咁特別、同埋好味。至於辣椒，鍾意食辣嘅人應該好過癮，因為真係好辣，應該有唔少人會食到出汗。不過，相比之下，我覺得以前嘅巴辣雞腿包（未縮水之前），更加香脆好味，用嘅係雞腿肉（應該係），而且比較便宜。