I-O-N (已結業)

承接返之前Central Market個post先，當日係星期日，去到Central Market都三點啦，餐廳依然滿座，但好好彩我哋等咗大概15分鐘就有位喇。坐低之後，先至發覺原來呢個時間得返小食可以order，咁我哋就叫咗一個大嘅小食拼盤share，再每人叫咗杯咖啡。🌟Big platter $198呢個大嘅小食拼盤賣相都幾吸引，仲要好抵食，總共有八款小食，分別有宮保牛柳粒、避風塘炸魚薯條、炸薯條(可選金沙或黑松露風味)、爆谷蝦、炸三文魚餅、油甘魚他他配氈酒浸西瓜、蘿蔔花雜菜卷同埋牛舌伴蕃茄莎莎。當中最有驚喜嘅係油甘魚他他配氈酒浸西瓜，油金魚他他嘅魚油好香，配上甜甜嘅西瓜，嗰種酸酸甜甜嘅感覺好得意，入口好清新👍🏻💭平時去食afternoon tea， 七成都係甜品只有三成係鹹食，呢度嘅小食拼盤真係啱晒我！唔夠嘅話仲可以加多件cake，我見d賣相都幾吸引，咁就啱啱好啦！