MUTA Restaurant by ATUM (已結業)

早於大半年前已經好想嚟食（食氣氛、食物精緻），本身想叫佢signature 小木盒，不過知道同行嘅毛毛唔太有興趣又做東就唔叫了☺️（下次）而餐廳嘅裝潢走半新穎新式cafe，而行入啲會有榻榻米坐位，超有Feel ～1️⃣4️⃣0️⃣0️⃣ 下午茶時間🍡 月見雞肉棒串雞肉內有軟骨已有口感，伴日本蛋漿食及自身嘅醬油味已很香。🍡 壽喜燒牛肉蛋燉飯米用左西班牙米煮，將上面嘅壽喜燒牛肉同蛋漿撈勻很出色，是一個不錯嘅fusion 菜。🍡 和風醬油蜂蜜烤三文魚醬汁夠香及清新，所以三文魚無任何腥味，然後伴菜亦很夾，酸甜度適中開胃。🍡 煎牛小扒配法式薯條不得不讚，作為薯條達人，佢嘅薯條炸得香脆無油，薯條夠幼身，真係好似係日本食緊洋食屋嘅薯條☺️ 牛扒中規中矩。🍡 巧克力pancake 反而佢嘅甜品有少許失望，個pancake 好濕好淋，食落太甜，唔鬆身。🍡 炸窩夫烤餅呢個真心食左一啖就食唔落🥲 個窩夫好有翻炸嘅味道，重油炸味遮哂佢既餅香。除咗甜品失左手，其餘食物都係有水準。餐廳裝潢都加咗分，我哋果日打卡都打咗好耐😂