影片
更多
2019-05-31
182 浏览
最近發現咗山林道呢一間氣氛閒逸嘅 nathan house ， 一入去就聞到淡淡嘅花香， 感覺好似去咗酒店咁，同室外嘅雨水味簡直係兩個世界 ， 其實我好欣賞餐廳識得用香味去製造氣氛咖♡ 重點嚟啦，佢嘅 tea set 只係$138位， 仲要係有靚靚層架，配埋一壺靚茶嗰種，唔係茶包茶嗰啲呀， 有英式茶earl grey 等等茶葉選擇， 雖然選擇唔會有茶室咁多，但無論賣相同誠意，都係物超所值♡其實我做港媽之前係一位港女，一直好懷念以前去 #tearoom 飲茶嘅日子，揀下茶葉，再慢慢泡煮， 一泡、二泡。。。。同閨密傾下偈，真係好開心，估唔到今日可以重溫一下。當Tea set上枱嘅時候，staff就同我介紹點樣食， 又幫我準備咗蠟燭熱茶同埋茶隔等，然後佢又準備咗唔同嘅餐具話畀我聽邊樣用嚟做乜嘢，呢種體驗真係令我好懷念，所以我決心今日真係要慢慢享受。#teaset $138/位 （2位起）#香煎迷你蟹肉餅酥脆嘅蟹肉餅， 裏面係一絲絲蟹肉， 面層有「一點」沙律醬， 鮮甜中帶酸， 味道濃而不膩。#迷你牛肉漢堡入口juicy嘅牛肉漢堡， 最特別嘅係佢面頭鋪咗一層烤餅， 剛好鎖住所有肉汁。#英式鬆餅一
最近發現咗山林道呢一間氣氛閒逸嘅 nathan house ， 一入去就聞到淡淡嘅花香， 感覺好似去咗酒店咁，同室外嘅雨水味簡直係兩個世界 ， 其實我好欣賞餐廳識得用香味去製造氣氛咖♡ 重點嚟啦，佢嘅 tea set 只係$138位， 仲要係有靚靚層架，配埋一壺靚茶嗰種，唔係茶包茶嗰啲呀， 有英式茶earl grey 等等茶葉選擇， 雖然選擇唔會有茶室咁多，但無論賣相同誠意，都係物超所值♡
其實我做港媽之前係一位港女，一直好懷念以前去 #tearoom 飲茶嘅日子，揀下茶葉，再慢慢泡煮， 一泡、二泡。。。。同閨密傾下偈，真係好開心，估唔到今日可以重溫一下。當Tea set上枱嘅時候，staff就同我介紹點樣食， 又幫我準備咗蠟燭熱茶同埋茶隔等，然後佢又準備咗唔同嘅餐具話畀我聽邊樣用嚟做乜嘢，呢種體驗真係令我好懷念，所以我決心今日真係要慢慢享受。
#teaset $138/位 （2位起）
#香煎迷你蟹肉餅
酥脆嘅蟹肉餅， 裏面係一絲絲蟹肉， 面層有「一點」沙律醬， 鮮甜中帶酸， 味道濃而不膩。
#迷你牛肉漢堡
入口juicy嘅牛肉漢堡， 最特別嘅係佢面頭鋪咗一層烤餅， 剛好鎖住所有肉汁。
#英式鬆餅
一口size嘅英式鬆餅， 唔算太鬆脆， 不過都充滿牛油香， 最驚喜嘅係自家製鮮果醬，用鮮果製作，香甜清新， 當然亦可以試下牛油忌廉啦。
#開心果焦糖燉蛋
綠色嘅燉蛋上面鋪滿開心果碎， 入口係兩種截然不同嘅口感， 一啖香脆一啖幼滑。
#意式青檸檸檬撻蛋白泡沫
細仔一個檸檬撻，上面係好高嘅蛋白泡沫， 先入口嘅係香甜幼滑嘅蛋白， 然後就會食到酸而清新嘅青檸。
#榛子朱古力慕絲蛋糕
呢個蛋糕係我另一個推介，榛子味超香，上面仲有一粒「真」果仁， 正好加強咗果仁嘅味道層次， 慕絲幼滑輕盈， 每一啖都係享受。
#紅桑子朱古力馬卡龍
呢個tea set我最鍾意就係呢個馬卡龍，酸甜紅桑子配濃香朱古力， 味道層次十分豐富， 而且個餡料好厚啊!
《後記》
其實我就有帶林小姐一齊去嘅， 不過嗌咗嘢食佢就瞓咗， 所以結果變成我自己一個寂寞咁食，幸好 I'm alone but not lonely….哈哈。 當然佢中途醒咗第一件事就瘋狂食果醬。。。
#hightea #afternoontea #下午茶 #英式茶 #mrs1amology #metime
张贴
