影片
更多
2022-12-03
64 浏览
位於灣仔嘅MR CRAB佢哋嘅海鮮袋二人餐CP值好高，一個價錢有三款新鮮海鮮嘅shake shake海鮮袋，一款精美嘅前菜，一款用料十足嘅意粉或意大利飯，仲有兩杯紅白餐酒。Seafood Combo Shake Shake 海鮮袋（翡翠螺，馬尼拉蜆，無頭魷魚）-醬汁方面有四款口味，我哋呢次要咗個 Mix and Match（卡真蒜蓉汁＋檸檬胡椒醬汁）有濃郁嘅卡真風味，亦帶有胡椒嘅辣味夠哂惹味，而醬汁入面仲有一份檸檬嘅酸味，令人越食越開胃。翡翠螺大大隻，肉質爽口彈牙馬尼拉蜆較海蜆鮮甜，肉質飽滿。魷魚份量都幾多，口感煙韌。仲有其他配料，包括(粟米、腸仔丶薯仔）同醬汁都好夾。路易斯安那爆谷蟹餅：一碟有五件嘅蟹餅，外表炸到香脆，但入面有滿滿嘅蟹肉，用料十足，啖啖都有濃郁蟹嘅鮮甜，而加埋佢哋嘅秘製醬汁就更能突出蟹嘅鮮味。蟹肉卡邦尼扁意粉：意粉軟硬適中，喺意粉嘅上面有好多嘅蟹肉，可以同醬汁一齊撈勻，令每啖嘅意粉都食到蟹嘅鮮味，而醬汁夠哂Creamy，入面仲加咗芝士同埋煙肉粒，前者增加奶香咸香，後者可以為意粉增添口感之餘仲能為意粉多添一份油香。呢個2人set仲包咗兩杯飲品，可以揀紅白餐酒，但
位於灣仔嘅MR CRAB佢哋嘅海鮮袋二人餐CP值好高，一個價錢有三款新鮮海鮮嘅shake shake海鮮袋，一款精美嘅前菜，一款用料十足嘅意粉或意大利飯，仲有兩杯紅白餐酒。
Seafood Combo Shake Shake 海鮮袋（翡翠螺，馬尼拉蜆，無頭魷魚）
-醬汁方面有四款口味，我哋呢次要咗個 Mix and Match（卡真蒜蓉汁＋檸檬胡椒醬汁）有濃郁嘅卡真風味，亦帶有胡椒嘅辣味夠哂惹味，而醬汁入面仲有一份檸檬嘅酸味，令人越食越開胃。
翡翠螺大大隻，肉質爽口彈牙
馬尼拉蜆較海蜆鮮甜，肉質飽滿。
魷魚份量都幾多，口感煙韌。
仲有其他配料，包括(粟米、腸仔丶薯仔）同醬汁都好夾。
路易斯安那爆谷蟹餅：一碟有五件嘅蟹餅，外表炸到香脆，但入面有滿滿嘅蟹肉，用料十足，啖啖都有濃郁蟹嘅鮮甜，而加埋佢哋嘅秘製醬汁就更能突出蟹嘅鮮味。
蟹肉卡邦尼扁意粉：
意粉軟硬適中，喺意粉嘅上面有好多嘅蟹肉，可以同醬汁一齊撈勻，令每啖嘅意粉都食到蟹嘅鮮味，而醬汁夠哂Creamy，入面仲加咗芝士同埋煙肉粒，前者增加奶香咸香，後者可以為意粉增添口感之餘仲能為意粉多添一份油香。
呢個2人set仲包咗兩杯飲品，可以揀紅白餐酒，但我哋唔飲酒所以揀咗果汁，亦都可以揀汽水。但想要餐牌嘅其他飲品就需要加錢啦！
张贴
