Moreish & Malt (蕪湖街) (已結業)

一位台灣朋友黎到香港入住左紅磡一間叫逸·酒店。見到酒店內既餐廳門面都不錯，就入去試試。玻璃窗望出去就係高樓大廈同五光十色招牌，樓下人來人往，對於台灣朋友黎講，都算係個特色既景觀。台灣黎既朋友最愛手工啤，去到咩地方有手工啤一定要試，而且一入門見到個bar ，已經有點興奮。經店員推薦 試左Brewdog punk IPA，通常見到IPA都係d較苦既野，呢個竟然冇苦 仲好fruit 好香 超易入口 好正！我就見到花茶系列被吸引，Mona Lisa蒙羅麗莎呢個名好靚，紅茶+萬壽菊+士多啤梨+桑葉，可惜佢已經預浸好拎出黎，見唔到d花果盛放既樣子，不過都好飲。食物方面叫左燒牛舌，個醬同d香草一整食個牛舌好正，牛舌夠淋，香口，配啤酒一流。加燒日本活性水飼有骨豬鞍，聽個名好似好勁。事實上都好好食，豬鞍好淋多肉汁，厚厚的肉好滿足，表皮燒得夠焦脆。除左經理細細聲望住d客講壞話大聲笑既行為好嘔心外。其餘都好舒適，手工啤值得再飲，想試哂其他款。店員很有禮貌 令人輕鬆的服務態度。