MONMONO (已結業)

是日餐湯🫕是日餐湯係蕃茄湯，湯好濃蕃茄味，質地好稠，亦都好滑，有忌廉嘅香味，成個味道好好，蕃茄味濃，酸酸地，夠開胃！泰式燒牛肉沙律🥗沙律真係有一塊塊嘅燒牛肉喺度，而且每塊都唔係好薄，牛肉味道香濃，燒到有啲焦脆，再配上清新嘅沙律菜，味道啱啱好！意式雜菜千層麵🍝千層麵一塊塊好有層次，入邊有唔同嘅雜菜，汁係蕃茄汁，好香濃好稠身，再加上好多碎芝士，淨係雜菜麵都已經好香！法式油封鴨腿🍗鴨腿下面充滿燒汁，燒汁入面有啲雜豆，口感豐富，鴨肉又夠鮮嫩，質地好好，鮮香味美！而且呢度星期二原來會有cocktail/mocktail買一送一架！好似THE RAINBOW咁就係Vodka, Pineapple Juice, Grenadine，好好飲！