象屋泰國餐廳

早排未禁晚市堂食前特意再去MOKO 的象屋嘆泰國菜, 一解無得去泰國的思鄉病。

我地叫左個398 的2人餐, 份量好足. 另外餐廳的環境舒適,好適合朋友聚餐傾計.

頭盤我地揀左小食拼盤, 有春卷, 黃金包, 蝦餅同炸雞波, 一人一件岩好。

另外揀左冬蔭公湯, 味道都ok幾開胃, 不過可以再濃D 酸d.

主菜第一個係啡菇忌廉意粉, 意粉彈牙而忌廉汁夠濃, 我朋友食到停唔到口.

另一個係炸軟殼蟹配冬蔭公意大利飯. 呢個組合看似風馬牛不相及但出黎效果幾好, 意大利飯吸左冬蔭公湯的酸辣味而不失咬口。不過加埋炸軟殼蟹對少食油的人仕就未必咁岩心水.