富山麵家

营业中

休息中

最近嚟到位於銅鑼灣嘅人氣拉麵店，拉麵店經常與唔同日本人氣角色合作，非常受歡迎！今次同人氣貓貓Mofusand合作，出左幾款又好味又可愛嘅日式食物～除此之外，大家仲可以購買可愛嘅Mofusand拉麵碗、湯匙、環保袋、扣針等等。特製牛奶拉麵 $98牛奶拉麵湯底呈奶白色，飲落牛奶味濃郁美味。除左拉麵，仲配上豬軟骨、日式叉燒、新鮮魚片、溏心蛋、炸蝦、玉子、紫菜、大蔥等食材，非常豐富。新鮮魚片印上左貓貓造型，好可愛，食落彈牙。炸蝦啱啱炸齊，外皮香脆，蝦肉鮮甜美味。拉麵配上大蔥，味道一流。特製咖喱撈麵 $118朋友食左咖喱撈麵，面頭用上左炸物碎碎同紅椒製作左蝦條貓造型，而Mofusand嘅樣都係魚片。咖喱味道香濃，帶少少辣，幾惹味。拉麵加上咖喱醬、脆脆一齊食，口感特別。炸物拼盤有唐揚炸雞用炸蝦，兩款都係新鮮炸起。炸蝦外脆內軟，內裡仍然juicy。特製章魚燒 $38章魚燒有五粒，外面脆脆地，內裡軟淋淋，作法正宗。裡面有章魚、椰菜等材料，仲配上沙律醬、大阪燒醬同木魚碎。特製三色芭菲 $48甜品係蛋糕配三色雪糕，雪糕分別係抹茶、芒果同士多啤梨味～白桃烏龍奶茶 $38依款飲品好特別，飲到奶茶嘅味道再帶有少