MOBIN (已搬遷) 新店位置

旺角有一間好特別嘅墨西哥🇲🇽x港式xfusion餐廳，裡面環境走工業風，非常舒適💕牛油果醬煙三文魚他他配脆餅杯 $95三文魚他他配搭牛油果醬味道清新有口感，加上脆餅杯口感香脆鹹香，兩者味道相當匹配。南乳版德國豬手紫酸菜芝士餡餅$88半隻特別之處是豬手及紫酸菜等等全在餡餅中，芝士味道清香，食到好香嘅南乳豬手味，成件事係好match，特別在仲有兩個醬汁包括係辣莎莎醬（裏面有蕃茄，辣辣地酸酸地好開胃）、甜牛油果醬比較小清新，輕微甜味。MOBIN芝士飛碟墨西哥包配煙肉、蛋、酸椰菜$105特別之處係佢本身表面個包整到好似飛碟咁，有一層好香嘅芝士，口感香脆；表面嗰包亦都甜香十足，裏面嘅蛋只係半熟，質感一流大大隻！加上裏面有煙肉、酸椰菜等等，又唔會太鹹，比例好適中，正！MOBIN香烤抹茶紅豆醬甜脆餅$108呢款睇佢好似星星型，其實全部都係甜脆餅（焦糖脆餅），甜甜地幾好食，加上上面有抹茶紅豆醬，味道香得來有口感，仲有雪糕。蜜桃冰茶$55菠蘿蜜汽泡水$55飲品方面都有少少驚喜，菠蘿蜜汽泡水除咗有汽，味道香甜真實之餘仲有一粒粒好碎嘅菠蘿肉，勁清新！ 蜜桃茶都輕微香甜唔會太濃，都係比想像中好飲。