Minato

本身有朋友介紹我識呢間鐵板燒Minato，當我研究呢間餐廳嘅時候發覺原來除咗鐵板燒之外，佢地剛剛週末及假日推出左限定早午餐「謎の三重奏便當」，而暑假仲啱啱出咗一個新形象嘅「三重奏便當（夏祭）」。每天限量供應20份，外觀獨特，以吸晴流線型的圓球造型華麗登場，先至發覺原來前嗰排IG勁多人打卡見過，嗰陣時仲未知係乜嘢，原來又好食又好打卡。食完沙律後，我點的「三重奏便當——梨」的上層有和牛他他，頂級A5宮崎和牛搭配口感爽脆的南水梨，加上日本長崎太陽蛋，撈一撈好refreshing ，中層係時令的刺身丼飯，入面選材有深海池魚、碎蔥金槍魚腩及三文魚子，而最底層就有加上了秘製醬汁的日本冷豆腐，仲喺京都食嘅豆腐料理冇乜分別。朋友選的「三重奏便當——梅」的上層則係矜貴嘅磯煮鮑魚，；中層同樣係好精彩的刺身丼，不過下層就係有「梅子冷素麵」，選用來自愛媛縣的手延素麵，加上夏天的季節蔬果同溫泉蛋，好適合夏天食嘅一個選擇。當日餐廳高朋滿座，原來都幾多人喺呢度食鐵板燒，試完呢個謎の三重奏便當，對呢間餐廳更加有信心，下次mark低搵朋友試下先。