Mimila (已結業)

新開的Mimila~三蝦撈麵 $98蔥油撈蝦子麵配海蝦、蝦虸、芽菜和青菜蝦肉彈牙，都有幾隻，有好多蝦虸係上面。未到好咸，但有海水味咁！好多通菜同芽菜，前者香多汁，而後者係脆口！蝦子麵有口感，有牙勁！香菇肉脞湯麵 $78西班牙白毛豬肉碎、豬肉丸、香菇、芽菜和通菜，選了銀針粉。依到可以選好多種類、摻摻麵係又油麵又米粉，幾特別！依個最健康同比較清淡口感d，西班牙白毛豬肉碎好有豬味同配香菇好有菇既微青味，又豬肉又菇咁又硬口又林多汁！豬肉丸好大粒呀，有dd爆汁咁！香菇肉脞牛展湯麵 $88西班牙白毛豬肉碎、五香牛展、香菇、芽菜和通菜，選了銀針粉。五香牛展好厚肉，厚到有點硬，煮熟d軟林d會呀！咖哩喇沙手撕雞湯麵 $88配手撕雞、魚片、芽菜和豆腐卜，選了粗米粉，好辣呀！咖哩味好重，喇沙味少d，但好確定愛食辣既人會好鐘意！辣味十足，我食左少半，就走左去食其他啦！唔單之豆卜好入味，全舊都辣外，魚片都係成件舊，真係所有材料落去咖哩喇沙度煮！青菜 $28有小脆蒜係想，通菜就算清煮都唔會太淡味。貓山王芝士蛋糕 $58細舊左d，加左芝士令貓山王榴連無咁重味，有少少榴連幼絲，不過不失。