熊小館

营业中

休息中

九龍灣Megabox有間親子主題餐廳熊小館，餐廳裡面好多小熊公仔，有俾小朋友玩嘅遊戲間，小朋友好鍾意。餐廳出佐二人套餐$298有濃湯🍲前菜🥗兩個餐，甜品🍮飲嘢🥤歐陸式濃湯好濃郁咸咸啲好好味，牛油法包沾下濃湯，有牛油啲濃香加埋濃湯啲咸香，法包一下就食哂。法式蛋黃醬焗鮮露筍：露筍新鮮脆嫩。美國安格斯牛肩扒：牛扒好厚身係七成熟，香嫩有嚼勁，粟米香甜，薯條咸香脆。卡邦尼煙肉扁意粉：意粉好有彈性，加埋卡邦尼醬香濃，小朋友食得好快。兩客甜品叫佐雪糕。飲品加$18係特飲橙色派對同檸檬草氣泡茶，冰冰甜甜啲好涼爽。餐廳啲侍應生態度都幾好。餐廳隔離係冰場，今日啱啱好有比賽，邊食邊睇激烈啲比賽，真啲好享受！