九井壽司 (已結業)

今日同朋友過咗嚟九龍灣度行街，最好嘅就係依度有免費穿梭巴可以直達mega box，就算係夏天都唔驚熱，而且呢度仲有好多美食，今次我哋就嚟9樓既日本餐廳度食晚飯🥣🥳依間餐廳最特別嘅就係好child friendly💗 一入到門口裝修已經好繽紛，小朋友一定會鍾意❤️仲有好多故仔書同埋公仔🧸就算用餐嘅時候都有意外嘅驚喜，就係依度叫嘅壽司全部都係用新幹線嚟到運過嚟，最特別嘅係叫完嘢食之後有得抽獎，我哋居然好好彩抽倒一支益力多😆✌🏻而且依度嘅壽司都好新鮮，每一樣食物都有驚喜特別推介嘅係依度嘅三文魚壽司，三文魚肉質非常嫩，仲要係後設，食落去好鮮甜好有口感，超級滿足🍣另外要推介嘅係依度嘅日本炸蠔，肉質非常鮮甜😛💓