樂園魚旦專家 (電氣道)

营业中

休息中

去食魚蛋粉，一諗就會諗到呢一間，標明係香港製造，入到去我哋兩個嗌咗…五香牛腩撈粗($38+$8): 抵食夾大件，粗麵份量同行男仔朋友都覺得飽。而且牛腩份量都好多好抵食，大概有七至八嚿，牛腩煮得淋，唔會好黐牙，仲有幾條菜伴碟添。招牌魚蛋米粉加紫菜($33+$5): 魚蛋三粒同埋魚片三片，唔似出邊大品牌嘅魚蛋咁多調味料，反而帶有魚香味同埋夠晒彈牙。見到餐牌佢哋話喺自己香港有工場整嘅，夠晒新鮮。總結：自己好鍾意去呢啲港式嘅魚蛋粉舖頭，價錢夠平，而且份量較多，仲有飲品都好貼地，叫咗豆漿同埋好耐冇飲過嘅凍檸賓，自己都有幾年冇飲過利賓納，竟然會喺一間魚蛋粉舖頭搵到，童年回憶返晒嚟。