竜王居酒屋 (已結業)

係一個炎熱既下午結束上午既工作，就要好好咁犒賞自己。餐廳唔大，勝在地理位置夠方便。麻雀雖小，五臟俱全，餐牌上面甚至有埋廚師發辦呢個選項。我就選擇左日式叉燒拉麵。飲品要加錢，同埋佢本身有茶水提供。所以我就淨係飲佢嘅日式茶。首先嚟到嘅就係佢幾個小菜，同埋佢嘅味噌湯。我嘅步驟就係食咗沙律先，之後就係（先付）：八爪魚加螺肉。呢兩樣嘢其實真係好開胃。沙律喺最大嘅程度上保持左生菜獨有嘅新鮮口感。先付有醬汁醃過，所以有淡淡嘅海鮮味。個人鍾意食八爪魚多啲。之後我就食咗炸餃子，炸得酥脆入味，入面多肉同埋多菜。味噌湯就同另外壽司舖一樣，有紫菜同埋豆腐。拉麵上枱時間都算快，賣相睇落唔錯。糖心蛋入面嘅糖心係液態。流落面汁，沾上拉麵別有一番風味。叉燒有三塊，啖啖都係肉，得少少脂肪。湯底好濃郁，呈奶白色，入面嘅紫菜好多。紫菜上方滲有少少芝麻，口感相當豐富。唯一美中不足係30度既夏天，店舖內好似冇冷氣咁。所有定食價錢都包前菜加湯。成個lunch一共$88。