食力點心·雞煲專門店 (已結業)

對於上班族黎講，lunch hour一個鐘時間絕對係唔夠用，特別係尖沙咀呢個旅遊區，遊客多行人多打工仔又多，要搵野食根本好難，平時都係求其一餐食飽就算。但偏偏我地team有個為食同事，有次佢發現呢間新開既餐廳有點心食，就話不如搵日試下，我地訂左檯電話落埋order,黎到唔洗等就有得食，慳返好多時間！雖然餐廳都有做午市套餐，但見好多檯都食點心，我地都一於試下，我地過左兩籠燒賣，一蝦腸，一芋容包，一叉燒包，一蛋散，一菜餃，同仲有幾樣甜點，樣樣都同外邊茶樓一樣水準，幾好質素！食完仲有時間淨可以hea下再返工，好開心會再幫襯！