AMORE (已結業)

灣仔lunch 一向多人， 譚臣道d餐廳人多到唔想等。偏偏係人群隔離有間餐廳唔多人，但係個門面睇唔出係賣d咩食物。open rice search 下， 原來係菲律賓菜，就試試先。lunch menu 有五六款， 第一樣係Chicken Afritada。 其實係咩？唔知就試下la。都係$60 跟餐仲有餐湯餐茶， 會晤會太抵呀！！餐湯係忌廉湯，又有d雞湯，比一般的忌廉湯鹹少少有另一番風味。餐飲揀左咖啡， 味道普通啦。Chicken Afritada原來係少少甜酸又鹹鹹地既汁同雞肉，又有腸仔薯仔紅蘿蔔同紅椒。都幾好食，有種住家菜的感覺， 一d都唔伏。食落同平日食既碟頭飯差不多，又帶點新奇。 已故美食家Anthony Bourdain都講過菲律賓菜將會興起，都不是沒原因的。食得好飽。個人覺得餐廳最大吸引力就是餐廳本身。 客人不少都係菲律賓人， 店員都係地道菲律賓人（即係平日大家叫的姐姐）。 店裡裝飾都充滿東南亞氣氛。 彷如瞬間飛左去菲律賓一樣。