Outback Steakhouse (分域街) (已結業)

約了久違的親愛同事們吃午飯，預先訂好位，到步後快速安排入座，3人坐4人檯都夠闊落。我地清一色叫同一個餐，香辣海鮮飯（$88，另加一）包括餐包，餐湯，沙律同餐飲。呢個價錢食到超飽呢！今日餐湯係粟米湯，好多粟米粒粒，正！餐包店家比左兩大條黑糖麵包我地，我唔知通常3個人有幾多份量，但呢個份量足夠我地食有多添至於主菜，即係海鮮炒飯，有辣椒粒，腸仔同燒蝦做配料，雖然有辣椒粒但其實入口唔辣的，反而有種香料味，幾香口惹味。最後一人一大杯iced lemon tea，為呢餐午飯劃上完美的句號。