意粉屋 (已結業)

今次被個美女約我去占卜問事, 問我想去邊到食飯, 我當然選擇我的飯堂意粉屋啦!對我黎講, 尖沙咀意粉屋係最就腳.去到意粉屋啱啱有 Lunch Set, 所以點咗蘇格蘭三文魚 pizza , 黑松露煙肉鮮菌燴直通粉 同兩個酥皮磨菇忌廉湯.酥皮磨菇忌廉湯 : 有人點酥皮磨菇忌廉湯係唔食酥皮, sorry 我係成個酥皮浸湯食哂, 味道濃郁，幫襯十次十次都保持水準，滿意！蘇格蘭三文魚 pizza : 三文魚味道偏咸，但配上味道偏淡嘅 pizza 就啱啱好，雖然芝士味不足，但加上芝士粉就解決問題，所以，每次去意粉屋，都問佢囉芝士粉.黑松露煙肉鮮菌燴直通粉 :望埋去份量以為不足，但食食吓又啱啱好，黑松露味道唔太凸出，慶幸白汁香濃，直通粉彈牙，唯一問題係鮮菌略為不足.一路食，一路同美女占卜，點知計到佢依家財困重窮過我！唉...我都唔好意思佢埋單，我請翻轉頭算數.....