Mini Friday (銅鑼灣廣場二期) (已結業)

Mini Friday開到黎銅鑼灣，今日lunch time黎食。發現裝修幾靚，又有卡位。午市有套餐，包餐湯同飲品。今日我揀左炭烤澳洲肉眼扒配黑松露燒汁配薯菜（$128，免加一）。首先餐湯係蔬菜湯，味道無羅宋湯咁酸，感覺係蔬菜味。肉眼扒揀左五成熟，黎到都幾滿意，厚度夠，切開亦有粉紅色，味道重牛味，口感嫩滑，脂肪比例都平均。飲品揀左熱奶茶，係港式茶餐廳加淡奶嘅奶茶，好驚喜唔係淡某某嘅英式茶包茶。茶濃奶滑正！