La Maison

营业中

休息中

位置隱蔽，係街尾要再坐電梯上一層。餐廳環境有少少焗促，因為台與台之間空間少，但有好多小擺設，佈置令人有置身外國小餐廳感覺。set lunch 會有湯，前菜，主菜，甜品，飲品，價錢大概$150.前菜係青瓜螺肉沙律, 青瓜爽口配上濃味螺肉, 一清一濃, 雖然配搭唔算特別但味道尚算幾清新.主菜係煎龍脷柳配紫薯蓉，一片龍脷柳SIZE唔算細, 冇雪味亦唔腥, 煎魚柳口感普通, 唔係特別香脆突出. 反而紫薯蓉有驚喜, 唔同平時出面食既係普通薯蓉, 並唔係打到好滑身既薯蓉. 紫薯有淡淡甜香，食到一粒粒蕃薯有口感而且飽肚，好味道! 紫色甜薯顏色極吸引, 賣相同味道都好! 另外煙鴨胸意粉，鴨皮煎得香, 鴨肉冇煎乾但亦冇咩肉汁. 鴨肉質感較韌，較失望係雖然肉質食落唔騷但亦冇鴨肉味; 意粉都算彈牙, 整體配合醬汁同鴨肉味道只屬一般。