必勝客 (已結業)

朋友生日,12點幾放左學3個人黎食lunch。黎pizza hut食dinner同埋外賣就多,lunch就真係好小。12點幾去到唔駛等位,岩岩好有張卡位,坐得都幾舒服,食物亦好快黎。d員工ge服務都幾好,好有禮貌。佢拎錯左碟野比我地,佢好快就幫我地換返。之後我地食完坐係度傾計,就算出黎有人等緊位,但都唔會趕我地走,真係幾好。食物如下：(芝心)千島海鮮：3個人所以叫左普通,不嬲都好鐘意食千島海鮮,轉左芝心,好好食!!意大利菜湯：只係普通羅宋湯加d pasta,味道普通。不過佢而唔會好似平時d羅宋湯咁好酸,岩我。海鮮寬條麵：幾香,而且料亦唔算小。d汁好好味,同d寬條麵好match。肉醬意粉：份量略為小,而且d意粉好似冇咩肉醬味,應該係烚熟之後再淋汁。不過d肉醬汁好好味。意式雞皇飯：份量ok,上面d白汁亦岩岩好唔會太小。而且都有幾多雞,幾多同埋好大嚿。不過d飯好似嚿嚿咁,不過好彩d汁同埋d雞都唔錯!!總括而言：9折後$231,每人$77。午餐有湯又有餐飲,我覺得都ok。