影片
更多
2016-03-21
8637 浏览
早一星期已打電話訂枱，3月17 (星期四)，中午12點 (LUNCH BUFFET)，4位。點解揀呢間？最大原因係：因為有75折OPEN RICE COUPON囉！當日大概12:10pm到達，一入黎就被呢幅畫吸引住！！(酒店門口仲有個大型雕塑，大堂亦有其他名畫，絕對係拍照取景既好地方haha) Ohhhhh！這是充滿藝術氣息的酒店啊！!！ 雖然係平日，但竟然係坐 無 虛 席啊啊啊～好在座位寬敞，枱與枱之間亦有一定的距離。一句講哂：人好多，卻唔逼！(P.S.照片乃是在離開時拍的) The Place 位於低層，即使有落地玻璃，光線都不大能射進來。加上採用黃色昏暗光線，整個環境都是昏昏暗暗的氣氛。當然，如果係浪漫主義既朋友仔，呢個燈光就真係fit哂你啦！但對於我黎講，充足的自然光係十 分 之 重 要，係我既精神食糧！曾經要求坐近窗口位，可惜對方回答窗口位都係Bar枱，未能安排。(我可是靠陽光維生的啊嗚嗚~)The Place LUNCH BUFFET主要提供5大類食物。1. 海鮮 (2款不同品種生蠔，小龍蝦，蝦，青口) 大量即開生蠔放係冰盤上，不限制每次拿取數量，正！
當日大概12:10pm到達，一入黎就被呢幅畫吸引住！！(酒店門口仲有個大型雕塑，大堂亦有其他名畫，絕對係拍照取景既好地方haha)
Ohhhhh！這是充滿藝術氣息的酒店啊！!！
雖然係平日，但竟然係坐 無 虛 席啊啊啊～好在座位寬敞，枱與枱之間亦有一定的距離。一句講哂：人好多，卻唔逼！(P.S.照片乃是在離開時拍的)
The Place 位於低層，即使有落地玻璃，光線都不大能射進來。加上採用黃色昏暗光線，整個環境都是昏昏暗暗的氣氛。當然，如果係浪漫主義既朋友仔，呢個燈光就真係fit哂你啦！但對於我黎講，充足的自然光係十 分 之 重 要，係我既精神食糧！曾經要求坐近窗口位，可惜對方回答窗口位都係Bar枱，未能安排。(我可是靠陽光維生的啊嗚嗚~)The Place LUNCH BUFFET主要提供5大類食物。
1. 海鮮 (2款不同品種生蠔，小龍蝦，蝦，青口)
大量即開生蠔放係冰盤上，不限制每次拿取數量，正！Refill速度亦快，媽媽都讚新鮮好味，表示滿意！可惜我並非愛蠔之人，一隻都無食到！感覺好唔抵！
而蝦，我就食左好多隻，肉質彈牙！建議唔好點豉油食，絕對食到其鮮甜味道！同場加映芝士篇！The Place共提供左3款來自唔同國家既芝士，仲有自家製既醬，有誠意！而我每次食BUFFET必配上餅乾一齊食，十分開胃！2. 刺身 (三文魚，吞拿魚etc...）
我係三文魚既超級FANS！！食BUFFET一定狂拎三文魚！可惜The Place既三文魚偏瘦，欠缺油脂甘香味，食落口好「齋」的感覺！好失望啊！！
3.熟食
熟食款式數量不過不失，但欠缺特色，狠心點應該說「這些是在街上餐廳都能吃到的！」所以又要講多次：有點失望！但以下呢2樣還是值得推介的啊！
佢地就係瑞士雞翼&芝士餃子！雞翼炆至軟身而且入味，十分出色。餃子內裡包住芝士蓉，配上充滿濃郁芝士味道的醬汁，令人回味無窮！
我仲特別點左個油麵，重點當然係「喇沙湯底」！但卻令我又要講多次：好失望啊！喇沙味道不夠濃郁，湯底質感偏稀，甚至比超級市場某新加坡品牌既喇沙湯麵遜色多多聲，太令我失望啦！！！4.沙律
因為無食到沙律，所以無可奉告啦！
5.甜品
選擇BUFFET，甜品都係我既重要考慮因素！所以訂座前都參考左唔少食評，見到甜品既款式數量都尚算OK。但食落整體味道認真一般，確係有好大的進步空間！
這是The Place特別推介既銅鑼燒，外型設計得十分可愛吸引，可惜饀料味道太甜，頗漏，是敗筆之處啊！可惜可惜！整體黎講，對於愛蠔之人來說，好抵食！但對於完全唔食生蠔的我而言，只係一般抵食！(好在有coupon彌補我的失望嗚～)
至於服務態度，絕對是不俗的！VERY NICE & HELPFUL！
张贴
