利苑酒家 (已結業)

聖誕節正日所以同屋企人食豪啲，lunch 嚟咗利苑食晏。三個人，嗌咗啲點心，然後嗌咗個鴨餐，有北京田鴨、鴨肉、菜同湯。講真，真係飽到上心口。奶皇流沙包仲係咁好食，熱辣辣，一咬啲奶皇就流晒岀嚟，香港無咩地方好食過呢度。蒸粉果做到皮薄餡靚。珍珠雞哇北京田鴨燒到個皮超級香脆，肥瘦均匀。包埋熱辣辣嘅薄餅包埋新鮮爽口嘅青瓜同青葱辣椒，再點上甜醬真係非常好味。食完皮就食鴨肉，鴨肉嫩滑又厚身。赤小豆粉葛鯪魚燉湯大約分到四至五碗，湯底好濃郁，絕對真材實料。上湯菜