悅火 (已結業)

升左職就決定食好啲獎勵自己，就黎左呢間聽同事講過好唔錯既日本餐廳😹我叫既係火既商務套餐，包既野食都多，有刺身、燒物、丼飯、蒸蛋、甜品等等，超級唔錯😽首先要提既係鮑魚，比想像中大隻好多，好新鮮，肉質厚實得黎好腍😽油甘魚同鯖魚刺身就好新鮮，因為係當季食材所以完全冇雪味冇腥味😽燒物就有迷你蕃薯、牛舌、黑豚五花腩、雞髀肉同魷魚，全部都燒得恰到火候，表面焦香但入面依然有肉汁😽佢既天婦羅丼都好正，雖然係迷你丼但完全唔馬虎，天婦羅皮勁薄😽同埋呢間既環境好唔錯，私隱度好高，真係好高級同優質🙀