月半堂

营业中

休息中

呢日去完荃灣體育館攀石想搵下野食😝，俾我搵到呢間隱世日式小店。餐廳地方唔大，但坐落去都好舒服。一坐底老闆就俾左杯熱辣辣既玄米茶，係真係有粒粒玄米，幾有特色。*鹽燒鯖魚 $52*成個擺盤用左靚靚日式餐具😚，價錢仲貼地實惠，加飲品就可以升級有埋前菜、漬物同味噌湯。先講鯖魚，好大條而且燒得好香，骨肉分離啖啖肉🥰，再加埋淋上紫菜飯素既日本米飯🍚，好好送飯。而味噌湯唔咸，仲有蜆肉係入邊。*芝士漢堡扒 $58*可以見到係自家製既漢堡扒黎😝，厚得嚟又足料，入邊有洋蔥🧅粒，配埋熱熔左既芝士，同樣送飯一流。