牛屋 (已結業)

Lunch同同事想搵個好地方坐下傾下計，係openrice搵到呢間牛屋，諗住即管試一試本來都不太有期望，點知原來有驚喜！😃去到店舖，先被佢的裝修和裝飾吸引了。我地坐近門口，佢係無門的，熱天可能會好熱，但老闆好細心，拎咗手提冷風機出嚟比我地。係我地坐位附近，有隻牛牛小櫈仔，好特別，旁邊有啲小件擺設，有隻介紹牛不同部位嘅玩具牛牛好可愛。我叫咗個三色牛便當，原來係慢煮牛+洋蔥牛肉+牛肉碎，好好味。環境好正，好有居酒屋嘅感覺。老闆娘仲好好人送佢自家手沖咖啡，佢話好開心話終於搵到志同道合嘅人，喜歡欣賞咖啡，我地一邊聞住咖啡香等便當，一邊傾計，好寫意，返工咁辛苦，lunch都想放鬆下。佢沖好咖啡，仲伴隨咗一道甜品，送比我地食，係個蜜瓜哈蜜瓜糯米糍，好軟熟香甜，哈蜜瓜味好重，搭配著咖啡，又襯出另一種味道。我地幾個同事唔覺唔覺就傾到夠曬鐘，因為實在太享受呢餐lunch了！🥰感覺好幸福！