湕承 · 台式便當

营业中

休息中

Lunch時間要搵食，呢間企滿人等拎外賣，今次要比個叻自己，提早落定order, 嚟到唔洗等就有得拎，慳咗好多時間。Lunch Set好抵食，喺呢區來講食到平民價錢，真係算好平。加上味道相當唔錯，性價比高✨ 薄牛肉蕃茄湯燉讚岐烏東湯底有辣有唔辣，揀咗蕃茄濃湯，蕃茄味好香好濃郁呀薄薄嘅牛肉 完全唔靭，配滑嘟嘟嘅讚岐烏東好夾✨烤台灣腸．烤花枝丸．滷蛋配上古早味肉燥飯肉燥嘅醬汁同肉粒融合每粒米飯之中，超惹味，食到底都唔會太油膩✨冰枸杞桂圓蜜枸杞+桂圓 夠哂滋潤，夠冰凍又唔會太甜✨蒜蓉椰菜平日出街少食蔬食，套餐可以跟椰菜，加入蒜蓉炒得好香。以後想食台灣便當，外賣又多個選擇喇