車仔麵專家 (已結業)

中上環一到Lunch time 就周圍都多人到爆，好彩我食12點，行到去呢間車仔麵都唔係太多人，但食食吓就越嚟越多，有時見要等位，但車仔麵流量都快，所以等位嘅人一般都唔需要等好耐。
今日揀咗幼麵清湯底、豬大腸、蘿蔔、貢丸3餸，加一支Zero 可樂。豬大腸好入味，蘿蔔都煮得唔錯，但有少少渣，貢丸好彈牙。至於店內裝修好特別，有一邊以黑白武士頭盔作擺設，另一邊有幅以Q版掛畫做主題，非常有趣。店內不算大但整體坐得舒服，唔會有太迫感覺。價錢亦算合理。

Q版主題掛畫

餐牌

黑白武士頭盔

落單食物