影片
更多
2023-03-10
58 浏览
喺上環呢頭返工，因為食物選擇太多，好多時都會忽略咗有質素嘅小店。今日嚟到蘇杭街附近，見到個門面好吸引好「綠色」就入嚟呢間Cafe 試試。首先我想講間舖頭細細，但係好鍾意裏面嘅裝修。牆身嘅顏色、小畫作、加上好多掛燈，都好有外地旅行嘅感覺，第一下觀感非常舒服。見到今日嘅午餐選擇，裏面有冬陰功意粉，既然有feel就都嚟個味覺嘅旅行食啲刺激啲嘅嘢。等咗好快就上菜，講真好有驚喜！首先蝦有四隻，食落去非常新鮮清爽，處理得好好。再講賣相，又有花又有好多蔬菜，顏色豐富之餘仲感覺好健康，非常討好。最重要係味道，佢有淡淡冬陰功香味之餘，又唔會太酸太辣。麵條硬度亦都剛剛好，係一盤有水準嘅pasta我最欣賞係有一粒小金橘，加埋落個pasta度又多一重口感，讃！最後叫多杯鮮榨橙汁，完成今日美味之旅：）
今日嚟到蘇杭街附近，見到個門面好吸引好「綠色」就入嚟呢間Cafe 試試。
首先我想講間舖頭細細，但係好鍾意裏面嘅裝修。牆身嘅顏色、小畫作、加上好多掛燈，都好有外地旅行嘅感覺，第一下觀感非常舒服。
見到今日嘅午餐選擇，裏面有冬陰功意粉，既然有feel就都嚟個味覺嘅旅行食啲刺激啲嘅嘢。
等咗好快就上菜，講真好有驚喜！首先蝦有四隻，食落去非常新鮮清爽，處理得好好。再講賣相，又有花又有好多蔬菜，顏色豐富之餘仲感覺好健康，非常討好。最重要係味道，佢有淡淡冬陰功香味之餘，又唔會太酸太辣。麵條硬度亦都剛剛好，係一盤有水準嘅pasta我最欣賞係有一粒小金橘，加埋落個pasta度又多一重口感，讃！
最後叫多杯鮮榨橙汁，完成今日美味之旅：）
张贴
