悉尼樂園 (已結業)

這間懷舊佈置的餐廳，一直都好想黎試下，今次終於同同事lunch黎chill一下！餐廳座位都幾多，打卡位都好多！他們的lunch時段為十二時至三時，款式都有幾多選擇!波爾多紅酒燉牛肉配白飯，這份牛肉燉得好腍，牛肉味都幾出，除了牛肉，仲有煮得好腍的紅蘿蔔，而且紅酒令醬汁酸酸味味，食落好開胃！日式蒲燒鰻魚飯，鰻魚有滿滿的鰻魚汁，甜甜的幾惹味，上面還有大量木魚碎，加上嫩滑的滑蛋，好有在日本食鰻魚飯的感覺！特濃朱古力，Lunch時間只需加$13就可以飲到，有好香濃的朱古力味，但又不會好甜，加上飲品好襯這個環境，懷舊感十足！菠蘿梳打，有淡淡的菠蘿味，飲品味道不會好甜，有種清新的感覺！