備長

营业中

休息中

我覺得呢間串燒店性價比好高，而且味道非常好！特別係我哋平日嚟食，有啲串燒係做緊買一送一，本身價錢都唔算貴，簡直係抵上加抵！首先講吓個鵝肝多士，鵝肝味道非常濃郁，師傅煎到啱啱好，入口即溶！朋友食越唔夠喉，再即時追加😂😂朋友非常喜歡紐西蘭羊扒，入邊係燒到啱啱好，有少少粉紅色，配合佢哋嘅特製醬汁，簡直一流！我覺得最正就係呢個燒西班牙黑毛豬！當然啦，我本身都好鍾意食黑毛豬，師傅大約燒到五至六成熟，大家如果怕怕可以叫佢哋燒到全熟！我就照食啦，第日都冇事，黑毛豬咬落去軟林林，黑毛豬獨特嘅味道真係無可取代的！呢間嘢除咗價錢合理之外，味道亦都做到非常之好，所以我自己都會想再嚟食！