蘭特餅店 (已結業)

朋友叫我買幾件西餅返屋企做下午茶，咁啱喺奧海城做嘢見到呢一間Yolanda Bakery 就試吓啦！咁我就買咗四件西餅，見到佢蛋糕都好似幾抵食就買多兩條蛋糕做早餐！臨走時見到佢哋肉鬆貝貝賣剩一盒，就順手買一盒試下！最後見到綠茶曲奇餅都好似好吸引，所以我就一次過買晒成個禮拜要買嘅嘢！好啦，先講吓西餅，朋友食完覺得好正以為好貴，但其實價錢真係非常合理，而且用料不足！我食嘅芒果西餅，有好多芒果肉，朋友食嘅朱古力西餅非常有濃郁嘅朱古力味，佢叫我下次下次一定要再去買！我未買過肉鬆貝貝食嘅，呢次係我第一次食，我覺得味道唔錯，咬落去個貝貝有啲Q彈，口感同味道都唔錯！牛油蛋糕好有濃郁嘅牛油香，好似同法國食嘅冇乜分別咁，都係一樣好好味！夜晚肚餓嘅時候已經試埋曲奇餅，綠茶味好濃郁，以我個人最鍾意咖啡味！