海灣茶居 (已結業)

平時中午我都好鍾意同爸爸飲茶，有林林總總嘅點心選擇，下午茶時間仲要好抵食呀！呢度嘅蝦餃大大粒，入面有大大隻蝦🍤🦐～燒賣我點咗黑松露燒賣，每一粒都係非常足料，我哋都好滿意！仲有每次去飲茶我都會點蝦腸，佢地話係活拆鮮蝦，腸粉都真係幾香幾滑，我哋都幾鍾意呢度食點心🧆除咗點心之外，我叫咗碗是日燉湯，飲得出係真材實料嘅味道🤩🤩仲叫咗碟油菜芥蘭，份量都唔細㗎。甜品叫咗個大良雙皮奶，出邊好難搵到呢個價錢，而且有一定嘅水準！總括而言，呢間茶居有唔少嘅點心選擇，而且好多出邊都係冇嘅，價錢方便亦都係非常親民，特別係下午茶時段超抵，可以同屋企人渡過一個休閒嘅下午！