南小館 (已結業)

假日約朋友午聚，又想食上海菜，又要揾個方便大家的餐廳，又唔多駛等位，就揀左位處於The One的南小館。店內裝修別緻，用不少木材、燈飾營造relax的感覺，高樓底令空間感大增。喜歡daytime黎呢間食肆，光線充足，又可飽覽維港景色，價格亦很合理。黎南小館食飯，每小碟都好精緻，環境舒適，好適合一伙兒聚會。可以自己tick menu，一次過睇晒自己揀咩食，幾方便。蕎麥茶($6位)好香好好飲，連平日太喜歡喝茶的我都飲左幾杯。前菜($9)有菜脯和滷花生，都幾大份，菜脯唔錯，好開胃。八寶醬拌麵($45)配有肉丁、豆干、蝦米、葱，雖然配料好簡單，但其味道好味無比。麵質也很爽口。加埋前菜的菜脯食，仲好味！蝦肉麻醬抄手($42)比起紅油抄手，味道較淡，如果想試下新味，可以試下呢個麻醬，幾新鮮。蝦肉餡料十足，皮薄又滑，不俗。老干媽炒年糕($68)有香菇、豆豉、肉絲炒年糕，年糕有嚼勁，不是很辣，好惹味。基本上每次食上海菜，必點乾扁四季豆($58)，帶有碎肉和欖菜一起炒，有咸鮮味，非常可口。