Cassio (已結業)

同朋友一行四人又來到Cassio食晚飯。今次醒啦，一早喺APP book 6:30位，仲有所有單點美食半價discount 真係抵到爛! 我最早到所以我叫咗一杯sangria飲住先! 等朋友嚟齊之後我哋就開咗一支紅酒，再叫嘢食！ 提一提大家要享用優惠要成枱人15分鐘內到齊叫嘢食先可以有優惠。因為有朋友遲到所以我禮貌地問服務員如果15分鐘內人唔齊點呀，佢好耐心答我同我講半個鐘頭內到齊都可以有半價。我哋叫咗好多嘢食，但其實每樣野份量好少所以多多都食得晒。樣樣野都好味，如果keep住有優惠都會成日嚟。