早安越南 (已結業)

自從上年去完越南之後都冇乜機會食越南菜，今次經過黃埔終於可以食下！喺黃埔美食坊上面有好多間餐廳，唯一裝修好特別嘅我覺得就係呢間早安越南！今次就叫咗三款佢嘅越式美食推介三款裏面我諗我最鍾意就係佢嘅生蝦shooter!侍應哥哥講明如果唔食得辣就唔建議飲佢嗰個用是拉差整嘅汁嘩我就咁食舊蝦都已經感受到是拉差嘅威力！不過隻蝦真係好新鮮好彈牙好甜！自從上次食完一個勁難食嘅泰式金邊粉之後，自此我都要搵一個穩陣嘅金邊粉嚟食。今次呢個越式金邊粉個味終於正常返啦，好感動！軟殼蟹細細隻，炸得非常好味越式同泰式炒金邊粉有啲唔同，越式會偏向甜少少，同埋其他配菜會少啲🤔呢一碟辣椒膏炒蜆真係好似幅圖咁樣啲蜆勁大隻😦辣椒膏個味唔辣反而偏向有啲甜同埋厚厚地嘅質感，幾特別服務態度幾好，有介紹，有經常幫我地加水