影片
更多
2008-05-03
75 浏览
周日的brunch，同幾位朋友仔傾傾，吃些簡單的鬼佬餐。同「人」食飯，好少揀呢類型鬼佬口味、份量的餐廳，當然也有例外的配對，是日如是。環境幾好的，梳化也舒適闊落，坐在一樓上，望望街景，壓力減退不少。以下是三人吃的無牛、無蝦菜式：Nicoise salad,Prosciutto sundry tomato pizzaa bacon tomato chesse, Omelette、Cheese Plate,Assorted cold cut w/Fried Fetta cheese 招牌Nicoise沙律主打是烤吞拿魚，該是lion的部分，配埋鵪鶉蛋、雜沙律菜、青瓜、薯仔撈埋沙律醬，睇頭十足，是一人的午餐分量，原整的吞魚魚只得兩件，分贈朋友仔後無緣一嚐，只有一些望到唔想吃的零丁魚粒，乾脆吃沙律菜同番茄去好了，沙律醬唔多，吃落亦覺新鮮健康。Assorted cold cut w/Fried Fetta cheese$180，是moterdella、Salami、Speck同Parma ham的綜合，配埋烤燈籠椒、乾番茄、黑水欖、阿支竹，碟底滲有唔少罐頭製品滲出的油漬，份量絕對稱職，happ
同「人」食飯，好少揀呢類型鬼佬口味、份量的餐廳，當然也有例外的配對，是日如是。環境幾好的，梳化也舒適闊落，坐在一樓上，望望街景，壓力減退不少。
以下是三人吃的無牛、無蝦菜式：
Nicoise salad,Prosciutto sundry tomato pizzaa bacon tomato chesse, Omelette、Cheese Plate,Assorted cold cut w/Fried Fetta cheese
招牌Nicoise沙律主打是烤吞拿魚，該是lion的部分，配埋鵪鶉蛋、雜沙律菜、青瓜、薯仔撈埋沙律醬，睇頭十足，是一人的午餐分量，原整的吞魚魚只得兩件，分贈朋友仔後無緣一嚐，只有一些望到唔想吃的零丁魚粒，乾脆吃沙律菜同番茄去好了，沙律醬唔多，吃落亦覺新鮮健康。
Assorted cold cut w/Fried Fetta cheese$180，是moterdella、Salami、Speck同Parma ham的綜合，配埋烤燈籠椒、乾番茄、黑水欖、阿支竹，碟底滲有唔少罐頭製品滲出的油漬，份量絕對稱職，happy hr的好朋友，brunch的話份量真夠驚嚇；去皮的波椒味道不會差，乾番茄加有香草，也是佳品，阿支竹酸咪咪的，開胃怡人，是日腸胃不佳，一些機切的Parma ham質地唔多對路，亦無謂試了，繼續吃漬物去。
朋友仔的最愛～Omelette$95，印象麻麻，是雞蛋、芝士與煙肉的高熱量組合，蛋唔濕滑，煙肉夠鹹有餘，蛋漿亦無須多作調味，配埋高熱量芝士，吃一份已足夠一日所需。
Prosciutto sundry tomato pizza，最後來的，得啖笑，認真是「誠意王」，請看相，不敘了。
Cheese Plate$95，四款芝士的組合，每款分量不少，是咁多款仲最抵食一味，其中blue cheese最受歡迎，真係估佢地唔到，伴碟仲有唔少杏果同唔新鮮的提子，找來經理問問是日是芝士是什麼名稱，結果是要返屋企睇相找資料。
打後是甜品：
Lemon Tart,grilled articots,torte，以量取勝的甜品，賣相欠奉，興趣不大，不夠飽的話可以攝攝位的。
呢餐，足足吃了5小時，亦足足飽了24小時。
张贴
