Chill Inn (已結業)

原來由德福廣場平台坐shuttle bus過去Emax好快，五至十分鐘就到，而且巴士班次又密，所以上星期六就去Emax睇戲食飯，商場地下有間新食店“Chill In”，裝修高貴簡約，而當晚有live music，當晚既歌手非常有水準，自彈自唱，增添不少浪漫氣氛。而食物方面多元化，以泰國Fusion菜為主，首先點左蜜糖豬頸肉，燒豬頸肉帶點甜及微辣，口感豐富又香口，而且唔肥膩，食完想再encore。跟住就點檸檬葉燒法國春雞，春雞大小適中，兩個人食剛剛好，雞肉非常嫩滑Juicy，連雞胸肉都好好味，加埋配菜有粟米青瓜等，可以中和肉類既肥膩感，全隻雞食得乾乾淨淨。最後仲食埋泰式蕃茄辣肉醬意粉，微辣既肉醬份外好味，意粉軟硬適中，有咬口又彈牙，絕對有水準。整體餐廳環境唔錯，加上有live music更加有情調，絕對推介。