同仁四季音樂主題餐廳 (已結業)

一向都愛食椰子雞，見到呢間餐聽除左有椰子雞之外仲有小有既Live Music聽，一於過黎試下。呢度裝飾佈滿蒲公英燈飾，偶爾望上天花甚覺漂亮。🐔生態原味椰子雞鍋（小）$198等待湯底煲滾後，侍應就會將雞件、椰子肉放到鍋中，然後以漏斗倒轉計時，夠鐘就可進食啦。湯底用上椰青水，帶出天然清甜味。雞肉略為結實，味道略淡，但沾上以辣椒、沙姜、青桔做既醬料，味道自然出色。🥢CAB安格斯肥牛 $128肉質軟稔，口感幼嫩。🥢扇貝 $96本身想叫蟶子皇，甘岩賣哂，店員推薦扇貝所以就順便簡左。新鮮即開夠大隻，帶鮮甜味。🥢廚師手打丸雙拼（半份）$68半份只有四粒，但對於我地兩個一人兩粒黎講剛剛好，兩款味道分別不大，同樣彈牙。🥢養生木耳水餃 $38餡料非常多，而且好紮實，有爽脆木耳絲增添口感，味道一般。🥢海鮮菇 $38除左口感好之外，具有獨特蟹香味，相對常吃既金針菇更好味。🥢紫淮山 $58淮山就食得多，紫淮山真係第一次食，味道方面分別不大，但帶有大量花青素，營養更豐富。🥢養生淮山麵 $58最後要食返D殿粉質，第一次食淮山麵，口感似食緊長壽麵，味道自帶甜味，個人幾鐘意。