BV Kitchen & Bar (已結業)

朕上一次黎山林道寻食应该系去7080食烧肉，朕都己经留意到隔离呢间BV Bar，今次朕专登黎到BV除左食之外，仲要同一众随从吹下水，听下歌！今晚个表演者又弹结他，又弹琴，自弹自唱！劲！一坐低，朕觉得口淡淡咁，就紧系叫野饮啦，朕就叫左一杯青瓜汁＋果汁，佢没有预期既草青味，反而有一阵清新既果香同埋果汁既甜味，So Fresh！！！小食梗系唔少得水牛城鸡翼啦，BV既水牛城鸡翼炸至外层香脆，鸡肉依然嫩滑，加少少香草，再配合埋水牛城酱汁，香辣惹味，跟住食埋新鲜爽脆既蔬菜条中和一下，够哂开胃。跟住就上埋个小食拼盘，除左个Nachos，朕最欣赏就系个炸芝士虾饼，虾饼炸至金黄色，用刀切开，芝士随即夺刀而出，完全有爆酱虾饼既感觉，食落虾饼够香脆，芝士味够浓，仲要热辣辣食落口，够哂爽皮！跟住就系上主菜，朕今次叫既系《36小时慢煮牛面𣍰肉配红酒汁》，听个名都知够气势啦，香浓而又美味既牛𣍰肉，用上36小时慢煮，经长时间慢煮，口感超劲软稔同埋细致，再配埋红酒汁，酒精成份蒸发得八八九九，只剩下红酒既香味，牛𣍰肉亦都吸收哂红酒既精华，两者非常配合。－－－－－完－－－－－