名昇館

近排每日都係食住家飯，真係食到幾厭下，所以禮拜五就唔帶飯，同啲同事出去食。

終於可以轉下口味，我就點咗個全日早餐，食啲西式嘢先。

包括幾多嘢，有豬扒，炒滑蛋，煙肉，蒜蓉厚多士，焗茄汁豆。

豬扒鬆軟，容易切開，又多汁。滑蛋好香滑。煙肉普通。蒜蓉厚多士好味，加埋茄汁豆，yummy！我見同事食嘅肉燥豬軟骨飯都好似味道唔錯。發現呢度啲嘢食都幾多元化，同埋對佢地個下午茶都幾有興趣，尤其係紅豆西多士，好好味咁。星期六日經過會想去試下。

午餐價錢約50幾蚊。