.
餐廳裝修走工業風路線，食物方面有前米芝蓮餐廳大廚設計各款fusion美食，睇Menu已經好吸引🤤
.
🍴煙三文魚香茅香芒沙律
💰$86
非常適合夏天食嘅沙律🥗沙律菜額外增添香茅味，加上酸酸甜甜嘅芒果助攻下，好清新又開胃😍
.
🍴忌廉菠菜煙三文魚水牛芝士墨汁Pizza
💰$94（8吋）
黑色嘅Pizza都係第一次試🤣餅底又薄又脆，好重麥香😋忌廉芝士同煙三文魚味道好夾，食落去好多芝士，好滿足😚8吋兩個人食份量啱啱好👍🏻
.
🍴龍蝦肉忌廉牛肝菌意大利飯
💰$179
用上偏圓身這意大利米，煮完後粒粒分明又有嚼口，而且好香牛肝菌味之餘，忌廉嘅份量啱啱好食落唔會太溜🥰兩大條龍蝦肉鮮甜彈口😍$200唔使嘅價錢好高質😆
.
🍴脆焗棉花糖榛子朱古力夾心批
💰$56（小）
必食甜點🌟焗到金黃色嘅棉花糖，先脆後軟，煙煙韌韌💕底下係朱古力榛子醬、香蕉粒🤤加埋瑪莉餅一齊食，中和甜膩感，完美配搭😎雖然係好甜好邪惡，但食完好有幸福感🥰
.
昏黃嘅燈光下同朋友食餐好，暢飲一番🍻全日嘅不快都即刻溜走😆呢度地點咁方便，大家又多個開餐選擇😌
