影片
更多
2018-03-07
3408 浏览
有一隻化妝品牌嘅口號喺「Less is More」，表示無添加就喺好，化妝嘅嘢小弟識條鐵咩。今日陪老婆出開尖沙咀，午飯時段，就過咗嚟青年會地下層嘅「Mall Cafe」食晏，個標題喺想講菜式嘅份量真喺偏少！鋪面採開放式，地方闊落，枱櫈嘅編排亦都予人感到舒適，配知柔和嘅燈光，確喺幾寫意。星期六嘅午飯時間，都見得人頭湧湧，睇嚟好多一家大細，皆因青年會提供唔少活動，尤其俾小朋友嘅，相信喺啲細路落咗堂，啲父母就晌度食埋晏。題外話，講開青年會，其實，香港喺有分「港青」（YMCA of Hong Kong）同「中青」（Chinese YMCA of Hong Kong），兩個喺獨立個體，標誌亦有少少差別，兩者都喺紅色倒三角配YMCA白字，分別在於「港青」YMCA字樣襯「黑色」橫條，而「中青」則襯「藍色」橫條，根本一般人都分唔清，想做佢哋嘅會員都要分開做，並唔共通。點解小弟會知，因為好多年前晌度打過工囉！散點餐牌一個就包晒全日嘅嘢，早餐、湯、沙律、主菜、東南亞精選、三文治、漢堡包、素食、甜品、兒童餐及飲品，一一羅列晒出嚟。有素食類，就啱晒我老婆。意式煎豆腐配蕃茄白菌汁及野米飯 $98何謂「意式」？其
鋪面採開放式，地方闊落，枱櫈嘅編排亦都予人感到舒適，配知柔和嘅燈光，確喺幾寫意。
星期六嘅午飯時間，都見得人頭湧湧，睇嚟好多一家大細，皆因青年會提供唔少活動，尤其俾小朋友嘅，相信喺啲細路落咗堂，啲父母就晌度食埋晏。
題外話，講開青年會，其實，香港喺有分「港青」（YMCA of Hong Kong）同「中青」（Chinese YMCA of Hong Kong），兩個喺獨立個體，標誌亦有少少差別，兩者都喺紅色倒三角配YMCA白字，分別在於「港青」YMCA字樣襯「黑色」橫條，而「中青」則襯「藍色」橫條，根本一般人都分唔清，想做佢哋嘅會員都要分開做，並唔共通。點解小弟會知，因為好多年前晌度打過工囉！
散點餐牌一個就包晒全日嘅嘢，早餐、湯、沙律、主菜、東南亞精選、三文治、漢堡包、素食、甜品、兒童餐及飲品，一一羅列晒出嚟。有素食類，就啱晒我老婆。
意式煎豆腐配蕃茄白菌汁及野米飯 $98何謂「意式」？其實就喺晌煎豆腐方面，底面加入一層薄芝士，睇都唔喺好覺，食嘅時候先會發現。啲豆腐好嫩滑，加咗芝士變得有趣啲，而蕃茄白菌汁做得頗濃郁，好醒胃，野米飯比例剛好，唔會太頂胃，所以，老婆就好滿意道菜式。
此外，仲有一個午餐餐牌，包餐湯、自選主菜及餐飲，價錢視乎所揀嘅主菜，定價由$90-$108。另外，亦可以加$43享用沙律吧，但喺沙律吧睇嚟好普通，所以，慳番啲無試。
薑汁甘筍湯（午餐）餐湯有中湯或西湯供選擇，中湯喺老黃瓜煲瘦肉，好例湯嘅款式，所以，揀飲西湯。薑汁甘筍湯嘅甘筍味足，薑味就差咗少少，質感夠挺夠綿滑，但飲落有別一般尼廉湯，似喺無加忌廉所做成嘅湯。一般西餐，餐湯都會配點麵包，但呢度就無提供嘅。
香草檸檬焗雞扒配德國炒薯（午餐）$98賣相做得精簡，以一隻畫有黃圈嘅碟盛上，予人感覺清爽。雞扒以香草及檸檬煎焗，味道的確唔錯，淋上燒汁，味道更香，不過，雞扒只得一件，份量真喺算細；再者，德國炒薯即喺香草炒薯，好食，可惜數埋只有四粒，西蘭花未煮透，口感較生，車厘茄更喺無煮過就咁放上碟，因為入口仲喺凍嘅。男生選呢道雞扒，應該唔夠飽。
熱咖啡（午餐）即磨咖啡，啲咖啡味幾香醇，拌點鮮奶，口感更順滑，如果，連啲鮮奶都有打熱就更好喇。
其實，最初Mall Cafe嘅營運喺自助式嘅，不過，晌酒店內變得低檔唔多討好，但依家改為餐廳梗式，亦唔見得好。其一，服務好一般，但限於個別員工，落單位哥仔，禮貌麻麻，亦都好迤，埋單位哥仔及執拾嘅阿姐就較好禮貌；其二，份量真喺少，喺講緊正常人嘅份量都唔到嘅情況。
张贴
