泰濃麵 (蘭芳道) (已結業)

今日打完泰拳，心思思想食下泰國野，不過呢去到夜晚8點幾好多鋪頭人又無野食又無，好彩拳館行多幾步有呢間叫做泰濃麵，其實一直路過蘭芳道都未試過呢度嘅野食。今日叫左個雞髀肉船麵，佢可以比我揀冬蔭功湯底唔駛加錢，個湯底夠香濃，唔係咪精湯黎嘅。另外再叫多個炸蝦餅，佢附送埋炸蝦片，浸少少落湯度食好香好脆口！值得一提呢度嘅裝修同環境都幾舒服，可能因為疫情關係，檯都擺得比較疏，空間感幾好。另外我見到佢有外賣有折嘅，下次唔食堂食又可以慳d。有單為證 $117