馬拉媽媽 (已結業)

今日（30/4）中午十二點幾行經上環孖沙街，腦海中浮現一間食店，同男友行一行見到哩間馬拉媽媽，望一望個招牌，好熟口面，係啦！之前想黎食，機會來也．男友：特式蝦湯米粉HK$53－湯底好濃，蝦湯黎喎！材料有大蝦，魚片，豬肉；蝦大隻得黎好鮮甜，米粉好幼滑，容易入口，滑嘟嘟．阿M：傳統喇沙河粉（少辣）HK$35－材料有鮮蝦，魚片，豆卜，茄子，個湯底散發住好香既椰汁味，河粉好爽口．我見隔離果碗，有ｄ驚，如果食到辣應該會覺得幾正！果個唔知係唔係老闆，招呼幾好，入到去介紹店舖之最，有問必答，店舖細細，二十多個座位，有外國人，國語人都黎幫襯，座無虛席．