Lab Eat Bistro (豉油街) (已結業)

我同閨蜜都好鍾意食肉，但食啲放題、火鍋、燒肉又食到厭，想食下啲半自助嘅，唔會話太滯嘅，於是就喺網上搵到呢間餐廳試下。burger係burger呀！！！鍾意食burger就一定要試呢個🌟勁量牛肉鵝肝雙層芝士漢堡🌟可以見到佢係超大個嘅，勁厚嘅牛肉同埋鵝肝，加埋芝士混埋一齊簡直係好豐富嘅層次！牛扒係牛扒呀！！！超大塊嘅🌟美國穀飼天然牛腰扒🌟快啲嚟試下啦。兩大塊厚厚嘅肉扒，非常鮮艷嘅顏色、非常香嘅燒烤味道，令你一試難忘。半自助方面我哋都有揀肉😂佢有雜錦火腿拼盤，我地就揀咗幾款嚟試下，鹹鹹地真係幾惹味，又滿足到我哋食肉嘅慾望。食完一輪肉之後我哋都想食番啲🤤甜品嘅，所以我哋都食咗啲馬卡龍，有唔同顏色而且獨立包裝都幾好，食落又比起出面嘅唔會太甜，ok架。